Akhamsas Vicente Gutiérrez tatax arxayt’awayistu: Aka markarux khaysa jaya markatw awatirinakax jutapxatäna, ukat ukanakay aka mark apnaqapxataynaxa. Aka markan chiqa sutipax WAT’AQTAT satänwa, aka sutix jutiw mä uraq jilaqatata. Kunatix aka markax quta iram tuqin mayj wit’uqtatänkiwa, ukat aka sutx utt’ayapxarakitäna, watt’aqta (Hutajata) saw sutiñchxapxaraki.

Nayrapachax aka ayllunx kimsa tunk phisqan jaqinakakiw utjäna, jupanakarux kulunu sasaw sutinchapxirïna. Aka jisk’a markanx nayrapachanx utanakapax wali mä mayakinw utjirïna ukhamarus wali jayankapxänwa. Ukat jisk’a ayllunakax utjapunirakïnwa, ukanakax akanakawa: Taxara, Suwañaka, Chhilaya, Jisk’a sunq’achi, Jachakach Taxara ukhamarak Wat’axata.

Ukat qhiparux uka jisk’a ayllunakax mä markarukiw tukuwayxi, ukhamarus Bolivia markan uñt’atañatakix kunayman papilanak jikikiptayañanäwa, ukatakix taqiniw ch’amtawayapxta. Ukham aka markax utt’asiwayi, ukhamarus aka markarux nayrpun ullañ qillqañ yatxatañax purini, janïr reforma agraria utt’askipan jilïr awatir p’iqiñchirinakax kaysa Canadá jach’a marka uksat waranq llatunk patak pusin maran ullan qillqañ yatxatañatakix yatichirinak puriyanipxatäna.

Ukham sasaw aka jilïr awkix arxayt’awayistu, akat qhipanakarus yatxatawayaskakiñaniw wat’axata markan utt’asiwayatapatxa.

Por: Leandro Quispe Quispe