Munat Illimani qhunu qullu,
waranq waranqa
maranakaw wawanakamaruw
qarpxatapxista.

Munat Illimani qhunu qullu,
janq’u puñchumampix
chachar warmiruw
muspharawayta.

Jichhasti, urutjam urutjama
uñch’ukkat uñch’ukkatarakis
janq’u puñchum
apanukusktaxä.
Munat Illimani qhunu qullu,

janikiy jaytanukt’asipxistati,
khitirak chuym qhanartayapxitani,
khitirurak aytasipxasti.

Munat Illimani khunu qullu,
wawanakamax uruy arumaw
jum uñtasin lllakisipxta,
janikiy jaytasipxistati.

Munat Illimani khunu qullu,
panqaranakas jawiranakas

jump chikaw wañsuraski,
khuyapayasipxitaya.

Por: Elena Lopez y Martin Canaviri