Aka Chukiyaw markanx pä waymaw callinjam sarkasin uñt’asipxatayna, ukat uka pani waynax mä uta arintasipxatayna, ukatx pampachanirakiw irnaqañ qalltapxatayna, siwa.

Maynix jisk’a taña lik’i wayna, maynisti jach’a taña tixi waynitunw siwa, ukat jisk’a lunqhu waynax jank’akiw manqañanaka, isinaka ukhamarak qulqs jiqxatatayn siwa. Uk uñjasinx jach’a t’añs waynax uruy arumapiniw jan ikt’asin irnaqataynan maynjan isinaka, manq’añanaka ukhamrak qulqi jiqxatxä sasina.

Ukhamäkipanx mä alwax jisk’a taña lunkhu waynax masiparuw samkap yatiyatyna -akham sasina: ay jila… janikipï wal samkasttixa… warikiw tharmitu, qarwakiw mat’aqt’itu, kunarukis purt’aspachayä. Warmijas wawajas kunjamäskpachasa…, amp suma…, khä qullu patat uñt’ayasinitasm quli jila…! sasinaw wayna masipar achikt’asitayn siwa.

Ukat ukham llakit uñjasinx iyaw sasaw jach’a taña waynax qullu patar arkatayna, ukat uka qullu patar mistusinx mä ch’uch’a yapu uñtapxtayna, ukat jisk’a lunqhu waynax kamsmas jila, warmijas wawajas q’ulaki, ch’islliki –sasinaw may alayar thuqtasin jiwt’awayxatayn siwa. Uka waynax janiw jaqïkataynati, jan ukax achakukitaynawa, ukhakiw jach’a taña waynax amuyasitayna, taqi kunatix masipan utjkän ukax lunthatatatapa.

Por: Elena Lopez y Martin Canaviri