Pä tunk mayan urunak saraqatata enero phaxsin pä patan tuka marankasinx jilïr mallkurux tiwanaku markanw iyast’ayapxi, kullasuyu mark nayraqatar phisqa maramp irt’askakiñapataki. Ukürux taqi tuqitpunw jaqinakas kunayman isthaptanak purt’anipxatayna, yaqha markanakats purinipxarakitaynawa.

Akhamaw tiwanaku markakamx jaqinakax purinipxi.

Edwin Usquiano ukankiw aka jamuqt’ataxa

Kunjamatix unt’asi uka jamuqt’atanx ukhamaw taqi ayllunakatx tiwanaku markarux Evo Morales mallkur uñkat’irix purinipxi, wila punchunakaniw chachanakax khaysa thaya patatx purinipxi, yaqhipánakax, ch’iyar isinakan isthapt’atarakiw purinipxi, uka jaqinakax yakha ayllutrakw jutapxatayna, ukürux walt’atanipuniw jaqinakax willjtatpachw Evo mallkurux suyantapxatayna.

Ukjamarakiw yaqha markanakats purinipxarakiw evo mallkur uñjtirixa, yaqhipanakax kamisak jist’iris jutapxarakitaynawa, uka urux, pachas janiw wali thithitakataynati, alaqpachas jani wali junt’uñapatakix juk’a urpunakas ukch’awjitx jani qarjañatakix tapxat’arakinawa, ukampirusa janirakiw añcha thayakänti, wali suma urupuninawa.

Jaqinakax wali ch’amacht’asiñatakix chika urutakix quqx apasipxarakitaynawa:

Edwin Usquiano ukankiw aka jamuqt’ataxa

Ukhamaw ququnakx quqxatt’asipxarakïna, ukjarux mä juk’a muxsa umanaks umxatt’apxarakinawa, ukhamaw uka urux jurnalpach wali

k’uchirt’asiwayapxarakina mallkur uñjt’asaxa,

- Edwin Usquiano