Callamarca: Taqi chaqan arusamp saräwinakasamp waqaychapxañasa (We have to protect our diversity, language and culture in all parts of the world)

Posted June 15th, 2014 in Uncategorized by Elias Quispe Chura

Ilaies2012@gmail.com ELIAS QUISPE CHURA

Quebec, Canadá uksa jaya markan jakasir jilatanak kullakanakax arupx jach’anchayapxarakikiritaynawa; jupanakax niya taqi chaqan Francés arut arst’asipxi, sañäni: utana, yatiqañ utanakana, yatiyäwinakana, ukat juk’ampinakana.

Jupanakax Inklis arx yatisipkarakiwa, janiw ukjamak qhiphar jaytanukupkiti. Ukat kunapachatï uka arut aruskipt’añäk ukjaxa, jan kuna pächasisaw arst’apxaraki.

Canadá wayn tawaqunakamp aymar jila kullakanakampi Canadánkir tawaqunakax qurpachiripampiw jutapxatayna.

Ukatuqit kimsa wayn tawaqux akjam arst’apxi:

Mayni tawaqux aymaran “kayu, ampara” ukat yaqha arunakamp kun yatiqarakitayna, ukat jupax mäk’amppach yatiqan munarakïna. Ukaw pachpan jakasirinakar wal chuym llamkt’asiyäna.

Ukjarux Joëlle Vaillant yatichirix akjam arunakampiw juk’amp qhanancht’askaki:

1950, 1960 ukjanakax jichhürunakat sipan aspachaw tayka arup waqaychañatakix unxtasipxatayna, jichhax “literatura” ukaruw juk’amp ch’amanchayañ munapxaraki.

Aka uraqpachan wali uñt’at arupasa, jan ukax janis ancha uñt’atakpana, taqi aruw waqaychaña, ch’amanchaña ukat jach’anchayañ wakisi. Yamas jan ancha yäqatakch ukaxa, mayanakat sipan juk’amp juk’amp nayrar sartayatañapawa. Ukjamän ukjakiw laq’a achachilanakasan nayra kunayman yatiñanakapax jan chhaqkaniti.

Aymara, Uru Chipaya, Yunka Markanakana Saräwinakapata Yatichaña Yatiqaña Aruskipäwi Mathapïwi

Posted November 29th, 2011 in Uncategorized by Ruben Hilari

Qillqaqt’iri: Jilata Ruben Hilare Qhisphi
Qallta tantachäwi
Qalltawi Uru

17ni 18ni lapaqa phaxsina aka 2011na mara saraqkipanwa khaysa Ururu markana, Yatichirinakana Yatiqaña Uta-“Angel Mendoza” tuqinwa Aymara kullaka jilanakaxa tantacht’asiwayapxatayna, aka aymara, uru chipaya, yunka markanakana saräwinakapata yatiqaña utanakana yatichasiñapa tuqitwa aruskipäwayapxatayna. Aka tantachäwisti CEA (Consejo Educativo Aymara), Yatiña Kamani- Ministerio de Educacion tuqinkirinakawa wakicht’awayapxatayna. Ukjamaraki walja walja kullaka jilanakapuniwa purt’aniwayapxarakitayna; Confederación Sindical Única de Trabajadores Campesinos de Bolivia (CSUTCB), Consejo Nacional de Ayllus y Markas del Qullasuyu (CONAMAQ), Nación originaria Uru, CONSAQ, la Junta Nacional de Padres de Familia, las Escuelas Superiores de Formación de Maestros: Andrés de Santa Cruz de Chayanta, René Barrientos de Caracollo, Franz Tamayo de Llica, “Warisata”, Ángel Mendoza Justiniano, la Dirección Departamental de Educación de Oruro y La Paz, AMDEPAZ, AMDEOR, delegados de la Gobernación de Oruro y La Paz, delegados de las Unidades Educativas, Comunidad Virtual Aymara “Jaqi Aru”, Jach`a Carangas tuqinkirinaka.

Qallantañatakisti, Tata Roberto Aguilar Yarichaña-Yatiqaña kamani irptirirakiwa wali kusa arunakampi ch’amañchawayatayna, juk’ampisa saräwinakasa yatichasiñapa tuqita. Ukjamipanwa, CEA tuqinkirinakasa jilata Gregorio Gabriel, ukjamaraki Jiwasa Purapa Sara Walja Aruta Chapara Amta T’aqa (Unidad de Políticas Lingüísticas Intraintercultural y Plurilingüe- Ministerio de Educación) jilata Salustiano Ayma walpunwa aka tantachäwi amuyuruxa ch’amañchwayapxaraki.

Tantachäwi
Uñacht’äwinaka

Aka pä urusti kimsa tamaruwa t’aqhtawayaraki, akirinakanawa: Jisk’a lalanakaru yatichaña tuqinkäwita- Subsistema de Educación Regular, akasti kimsarurakiwa t’aqxtawayi (Educación inicial en familia comunitaria, Educación primaria comunitaria vocacional y Educación secundaria comunitaria productiva), payïri jach’a t’aqasti tawaqu waynanakaru yatichaña tuqinkawina-educación alternativa y especial, kimsïri jach’a tamasti yatichirinakaru yatichaña tuqinqäwitwa- educación superior de formación profesional aruskipawayapxaraki.

Maysa tamanasa aksiri tamansa walpunwa lup’ikipniwayapxi, kunanakasa aski sarawisanakata yatichasxañapaxa, kawkniri wakiskiri yatiñanakasa markasanakanxa utjaskatayna, täqi ukanakatwa amuykipaniwayapxi. Juk’ampi amuyañatakixa CEA tuqina yatxatirinakapaxa yatxatäwinakapxa uñacht’ayawapxarakiwa juk’ampi amuyt’añataki. Ukjamata mayni mayni tamas qhipqhiparuxa taqiniru arskipäwinakapxa, amuyunakapxa uñacht’ayawayapxaraki.

Aymara Warmi, Uru chipaya chacha, Yunka Warmi
Aymara Warmi, Uru chipaya chacha, Yunka Warmi

Aka jach’a amuykipäwi tantachäwi tukt’ayañatakisti, taqinipuniwa akhama tantachäwinakaxa wali askipuniwa sasina tukt’ayawayapxaraki akhama arunakampi:

– Wali askipuniwa akhama tantachäwinakaxa. Jichhaxa juk’ampi amuyataskiwa kunapunisa aka Aymara, Uru chipaya, Yunka markanakana sarawinakapatxa yatichasiñapa.

– Maranakanxa akham tantachäwinakaxa taqiwjanwa lurasiñapa, ukjamatakrakwa täqi aka yatichäwi yatiqäwi tuqinakatsa taqinisa yatipxaspana.

– Kunatixa aka tantachäwina amtawayataki ukaxa taqinirupuniwa yatiyasiñapa, ukjamarusa taqinisa phuqhañasapuniwa wakisi, yatichirinaka yatiqirinaka, tayka awkinaka, taqinisa taqinipuniwa phuqhayañasasa wakisi.


Mä aymara kullakan arst’atapa
Ukjamatwa aka jach’a Aruskipäwi Amuykipäwi Tantachäwixa tukt’ayawayi.